Tədbirə 9 ölkənin naziri qatılıb

YEREVANDA RAMİL USUBOVUN DA İŞTİRAK ETDİYİ SAMMİT BAŞLAYIB

Oktyabrın 14-də Ermənistanın paytaxtı Yerevanda MDB ölkələri daxili işlər nazirlərinin sammiti başlayıb. “Media forum” saytı xəbər verir ki, Azərbaycanın daxili işlər naziri Ramil Usubovun da qatıldığı sammitdə MBD Daxili İşlər Nazirləri Şurasında sədrlik Rusiyadan Ermənistana ötürülüb.

Ermənistan Polisinin rəisi Alik Sərkisyanın sədrliyi ilə davam edən sammitin gündəliyində informasiya texnologiyalarından istifadə olunmaqla cinayətkarlığa qarşı mübarizə məsələsi də var.

Sammitdə 9 MDB ölkəsindən daxili işlər nazirləri iştirak edir.