Cüdo millimiz Dünya Çempionatında birinci oldu

.

Rio de Janeyroda cüdo üzrə Dünya Çempionatı millimizin möhtəşəm uğuru ilə yadda qalıb. Güləş Federasiyasından Simsar.az-a verilən məlumata görə 100 kq çəkidə gücünü sübut edən Elxan Məmmədov millimizə qızıl medal qazandıraraq Dünya Çempionu olub. Bu tarixi qələbə Azərbaycana böyüklər arasında cüdo üzrə Dünya Çempionatının ilk, millimizin isə ikinci qızıl medalını gətirib. Yarımfinalda Özbəkistan təmsilçisi Kurbanov Soyibi məğlub edən Elxan finalda Hollandiya təmsilçisi Groll Henkə qalib gəlib. Grol Henk 2010-cu ildə Dünya ikincisi, 2012-ci ildə isə Olimpiya Oyunlarının üçüncüsü olub.
Qeyd edək ki, Braziliyada keçirilən cüdo üzrə böyüklər arasında Dünya Çempionatında 123 ölkədən 680 cüdoçu güclərini sınayır. Çempionatın ilk günü 60 kq çəkidə yarışan Orxan Səfərov dünya üçüncüsü kimi çempionatı başa vurub. Yığmamız hazırda Dünya Çempionatında komanda hesabında 6-cı pillədədir.

Simsar