“Avro-2016”: seçmə mərhələdə 4-cü tur start götürür

Bu gün “Avro-2016”nın seçmə mərhələsində 4-cü turun görüşlərinə start veriləcək. Simsar.az xəbər verir ki, ilk oyun günündə 8 qarşılaşma keçiriləcək.

“D” qrupunun liderləri Polşa və İrlandiya bu tur səfərdə mübarizə aparacaq. Polşa Gürcüstanın, İrlandiya isə Şotlandiyanın qonağı olacaq. Almaniya millisi isə Cəbəllütariqi sınağa çəkəcək.

D qrupu

21:00. Gürcüstan – Polşa

23:45. Almaniya – Cəbəllütariq

23:45. Şotlandiya – İrlandiya

Gecənin ən maraqlı oyunlarından biri Rumıniyada baş tutacaq. Burada yerli komanda Şimali İrlandiya millisini qəbul edəcək. 3 oyundan sonra maksimum nəticə ilə zirvədə qərarlaşan Britaniya təmsilçisi rumınlarla matçda da uğurlu nəticəyə ümid edir.

F qrupu

23:45. Yunanıstan – Farer adaları

23:45. Macarıstan – Finlandiya

23:45. Rumıniya – Şimali İrlandiya

“I” qrupunda isə iki qarşılaşma keçiriləcək. Serbiya qrupun lideri Danimarkanı qonaq edəcək. Portuqaliya isə Ermənistanı sınağa çəkəcək.

İ qrupu

23:45. Serbiya – Danimarka

23:45. Portuqaliya – Ermənistan

Vüsal Məmmədzadə