Növbəti mövsümə hazırlıaqlarını davam etdirən Arsenal daha gənc bir futbolçunu heyətinə qatdı.

Transfer fəaliyyətlərini davam etdirən Arsenal rəhbərliyi növbəti gənc futbolçunu heyətinə cəlb edə bilib. “Topçular” çempionşip təmsilçilərindən olan Sautempton klubunun 17 yaşlı futbolçusu Aleks Çamberleini transfer edib. Arsenal gənc futbolçu ilə uzunmüddətli müqavilə imzalayıb. Transfer qarşılığında isə, Arsenal rəhbərliyi Sautemptona 12 milyon funtsterlinq ödəyəcək.

Məsələ haqqında müsahibə verən Arsenalın baş məşqçisi Arsen Venqer: “Aleksin klubun heyətinə cəlb olunması olduqca sevindirici haldır. Çox yaxşı futbolçudur. Əsas da, hücum xəttində olduqca təhlükəlidir. Onun bizə faydalı bir futbolçu olacağına inanıram” sözlərini söyləyib.

Yeni klubu haqqında ilk dəfə açıqlama verən Aleks belə deyib: “Arsenala gəldiyim üçün çox sevincliyəm. Arsenal çox böyük bir klubdur. Yeni klubumda uğurlar qazanacağıma inanıram. Arsenalın uğurları üçün əlimdən gələn hər şeyi etməyə çalışacağam”