4 Avqust, 2011
AZƏRBAYCANDA ƏTİN QİYMƏTİNİ ƏRƏB ŞEYXLƏRİ QALDIRIB

Bu barədə millət vəkili Musa Quliyev məlumat verib 

Azərbaycanda yay aylarında ətin qiymətinin qalxmasının səbəblərilə bağlı Milli Məclisin Aqrar siyasət komitəsinin sədr müavini Eldar Quliyev maraqlı açıqlama verib. Deputat Modern.az-a açıqlamasında bildirib ki, Azərbaycanda ətin qiymətini ərəb şeyxləri qaldırır.

“Dünyada qoyun ətinin keyfiyyətinə görə Azərbaycan ön yerlərdə dayanır. Məndə dəqiq məlumat var. Bizdən kənara çox ət aparılır. Ərəb şeyxlərindən birinin nümayəndəsi bu yaxınlıarda Bakıda olub. Deyib ki, ona 10 min ton qoyun əti lazımdır. Qiymətinin fərq etmədiyini bildirib, hətta 12-13 manat olsa belə. Ancaq şərt qoyub ki, erkək qoyunlar olsun və çəkisi 10-15 kiloqram arasında olsun. Həm də deyib ki, həmin qoyunlar burda kəsilsin. Hazır ət istəyib” deyə, M.Quliyev bildirib.

Dövlət Statistika Komitəsi ölkədə mal və qoyun ətinin başalaşdığını rəsmən bildirib. 1 yaşdan 2 yaşadək olan dananın istehsalçı qiymətləri 0,8 faiz, ana qoyunun 1,4 faiz, 1 yaşadək quzunun 2,9 faiz, diri keçilərin 1,9 faiz bahalaşıb.
İndi ticarət şəbəkəsində mal əti 8 manat – 8 manat 50 qəpiyə, qoyun əti 7 manat 50 qəpik – 8 manat 50 qəpiyə satılır.

SİMSAR.AZ

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!