4 Avqust, 2011
Siyavuş Aslan ağır durumda

Reanimasiya şöbəsində saxlanılan xalq artistinin vəziyyəti stabildir

Azərbaycan Dövlət Akademik Milli Dram Teatrının aktyoru, xalq artisti Siyavuş Aslan xəstəxanaya yerləşdirilib.


Aktyor dünən saat 20.00 radələrində ağır vəziyyətdə Bakıdakı 4 saylı xəstəxanaya aparılıb. O, hazırda reanimasiya şöbəsindədir.
Reanimasiya şöbəsindən Lent.az-a verilən məlumata görə, xəstənin vəziyyəti stabildir: “Dünən ağır vəziyyətdə xəstəxanaya gətirildi. Qanda şəkərin miqdarı qalxmışdı və yüksək oyanıqlıq vardı. Amma indi vəziyyəti stabildir. Huşu aydındır, onunla normal kontakta girmək mümkündür. Nevropatoloqun konsultasiyasından sonra Siyavuş müəllimin vəziyyəti ilə bağlı daha dəqiq məlumat əldə etmək mümkün olacaq”.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!