Lənkəran rayonunda güclü yanğın hadisəsi baş verib.

Fövqəladə Hallar Nazirliyinin (FHN) Lənkəran Rayon Yanğından Mühafizə Hissəsinin rəisi Saleh Ağayevin verdiyi məlumata görə, hadisə iyulun 29-da saat 17.30 radələrində rayonun Nərimanabad-2 qəsəbəsi ərazisində qeydə alınıb. Yerli bələdiyyəyə məxsus ərazidə başlanmış yanğının söndürülməsi üçün hadisə yerinə Lənkərandan 4, Masallıdan isə 1 yanğınsöndürən maşın cəlb olunub. Həyata keçirilən tədbirlər nəticəsində yanğının Qızılağac Dövlət Qoruğunun ərazisinə keçməsinin qarşısı alınıb. Yanğın lokallaşdırılıb.
Yanğın nəticəsində 20 hektarlıq ərazinin kol-kosu yanıb. İlkin versiya kimi yanğının odla ehtiyatsızlıq nəticəsində baş verdiyi bildirilir. Faktla bağlı araşdırma aparılır.