Əli Əmirovu onun müavini əvəzləyəcək
Azərbaycanın penitensiar sistemində kadr dəyişikliyi aparılıb.
Hüquq-mühafizə orqanlarından Trend-ə verilən məlumata görə, Penitensiar Xidmətin rəisi, ədliyyə nazirinin müavini Mədət Quliyevin əmri ilə 9 saylı cəzaçəkmə müəssisəsinin rəisi Əli Əmirov 6 saylı cəzaçəkmə müəssisəsinə rəis təyin olunub.
9 saylı müəssisədə rəisin səlahiyyətlərini müvəqqəti olaraq onun müavini icra edir.
Bir müddət öncə 6 saylı cəzaçəkmə müəssisəsinin rəisi Elman Əlişirov ədliyyə orqanlarında qulluqkeçmə yaş həddinə çatması ilə əlaqədar təqaüdə göndərilmişdi.