“Google” şirkəti tezliklə İndoneziyada yeni ofisini açacaq.

İndoneziya internet auditoriyasının sürətli artımı ilə əlaqədar “Google” şirkəti bu ölkədə öz mövcudluğunu aktivləşdirmək fikrindədir. İndoneziyada ofis internet nəhəngi tərəfindən cari ilin sonuna kimi açılacaq. Qeyd edək ki, İndoneziyanın əhalisi 230 milyon insan təşkil edir və bunun artıq təxminən 48%-i şəbəkəyə qoşulub. İndoneziya ölkəsinin Cənub-Şərqi Asiyada ən böyük və ən sürətli inkişaf edən bazar olduğu hesab edilir. Ölkə, həmçinin “Facebook” sosial şəbəkəsində qeydiyyatdan keçmiş istifadəçilərinin sayına görə ABŞ və Britaniyadan sonra üçüncü yeri tutur.