23 İyul, 2011
II QRUPUN İMTAHANINDAN 50 NƏFƏR XARİC EDİLİB

Azərbaycanda 50 abituriyent ali məktəblərin II ixtisas qrupu üzrə qəbul imtahanlarından xaric edilib

İlkin məlumatlara görə, Azərbaycanda ali məktəblərin II ixtisas qrupu üzrə dünən keçirilən qəbul imtahanlarına 600-dən yuxarı abituriyent gəlməyib.

Bu barədə Tələbə Qəbulu üzrə Dövlət Komissiyasının (TQDK) mətbuat xidmətinin rəhbəri Elnur Nağızadə bildirib. Onun sözlərinə görə, imtahan qaydalarını pozduğuna görə 50-dən artıq abituriyent imtahandan xaric edilib. Hazırda imtahan protokollarının emalı prosesi gedir. II ixtisas qrupu üzrə imtahanın nəticələri sabah açıqlanacaq.

Qeyd edək ki, II ixtisas qrupu üzrə qəbul imtahanı dünən Bakı, Naxçıvan, Gəncə və Şəkidə keçirilib.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!