Gürcüstanın «Georgian Airlines» aviaşirkəti yay mövsümü ilə əlaqədar Batumi-Bakı birbaşa sərnişin aviareysini istifadəyə verib
Heydər Əliyev Beynəlxalq Aeroportundan verilən məlumata görə, Bakıdan Batumiyə uçuşlar hər həftənin I, II və VI günləri saat 21:10-da yerinə yetirilir: «Hər iki istiqamətə bir aviabiletin minimal qiyməti 267 manat təşkil edir. Mövsümi xarakter daşıyan aviareys üzrə uçuşlar cari ilin sentyabrın sonunadək həyata keçiriləcək».
Qeyd edək ki, hazırda Azərbaycanla Gürcüstan arasında Bakı-Tiflis aviareysi üzrə («Azərbaycan Hava Yolları» QSC) də uçuşlar yerinə yetirilir.