Ekologiya və Təbii Sərvətlər Nazirliyi Milli Hidrometeorologiya Departamenti bu gün gözlənilən hava proqnozunu açıqlayıb.

Ekologiya və Təbii Sərvətlər Nazirliyinin mətbuat xidmətindən Lentöaz-a verilən məlumta görə, iyunun 23-də Bakıda və Abşeron yarımadasında hava şəraitinin buludlu olacağı, gecə və səhər bəzi yerlərdə qısamüddətli yağış yağacağı gözlənilir, şimşək çaxacağı ehtimalı var.

Güclü şimal küləyi əsəcək, axşama doğru mülayimləşəcək. Havanın temperaturu gecə 18-23 dərəcə isti, gündüz 22-26 dərəcə isti təşkil edəcək. Abşeron çimərliklərində dəniz suyunun temperaturu 21-22 dərəcə isti olacaq.

Azərbaycanın rayonlarına gəlincə, iyunun 23-də Şimşək çaxacağı, arabir leysan xarakterli yağış yağacağı gözlənilir. Bəzi dağlıq və dağətəyi rayonlarda dolu düşəcəyi ehtimalı var. Mülayim qərb küləyi əsəcək, gecə və səhər arabir güclənəcək. Havanın temperaturu gecə 18-23 dərəcə isti, gündüz 24-29 dərəcə isti, dağlarda gecə 8-13 dərəcə isti, gündüz 14-18 dərəcə isti təşkil edəcək.