Gənclər Milli Qəhrəman Mübariz İbrahimovun məzarını ziyarət ediblər

Bu gün Azərbaycanın Milli Qəhrəmanı Mübariz İbrahimovun Azərbaycan torpaqları uğrunda qəhrəmancasına şəhid olmasının bir ili tamam olur. 

Simsar.az-ın verdiyi məlumata görə, bu gün bir qrup gənc Bakıda II Fəxri Xiyabanda Mübariz İbrahimovun məzarını ziyarət edib. 

Milli Qəhrəmanın məzarını ziyarət edənlər arasında Gənclər və İdman Nazirliyinin Bakı şəhər baş idarəsinin rəisi Raqif Abbasov da ziyarət edib. O, deyib ki, Mübariz İbrahimov torpaqlarımızın azadlığı uğrunda qəhrəmancasına həlak olub, torpağa və millətə sevgisini sübut edib.

Raqif Abbasov onu da deyib ki, bir neçə gün sonra Azərbaycan paytaxtında hərbi parad keçiriləcək, bu da bizim düşmənlərə bir ismarıcdır: “Bu gün Mübariz İbrahimovun qəbrini minlərlə gəncin ziyarət edəcəyini gözləyirəm. Bu da Azərbaycan xalqının vətənpərvərliyinin işarəsi olacaq”.