17 İyun, 2011
Neçə nəfər magistr olmaq istəyir

Dərəcələrini artırmaq istəyənlərin sayı 10 mindən azdır

7866 bakalavr magistraturaya qəbul proqramı və ixtisas seçərək təsdiqləyib. Tələbə Qəbulu üzrə Dövlət Komissiyasının mətbuat xidmətindən Simsar.az-a verilən məlumata görə, onların 6809 nəfəri Azərbaycan bölməsinin, 1057 nəfəri isə rus bölməsinin məzunudur.

Bakalavrların 3724 nəfəri oğlan, 4142 nəfəri qızdır. 4936 nəfər ali təhsil müəssisələrini bu il, 2930 nəfər isə əvvəlki illər bitirib. Magistraturaya imtahanın ikinci mərhələsində iştirak etmək üçün bakalavrlar iyunun 8-dən 19-dək elektron ərizələrinə daxil olaraq bitirdikləri bakalavr ixtisasına uyğun qəbul proqramını və ixtisaslaşmaları seçərək təsdiqləyirlər. Bakalavrlar 23 – 25 iyun müddətində öz elektron ərizələrinə daxil olaraq imtahana buraxılış vərəqəsi çap edib götürməlidirlər. İmtahan iyunun 26-da səhər saat 14:00-da başlayacaq. Sualların cavablandırılmasına 1 saat 30 dəqiqə vaxt ayrılacaq.

Magistraturaya ayrılan yerlərin sayı isə 10,6 faiz artırılıb.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!