Reydlər səngimir
BDYPİ respublikanın müxtəlif yerlərində reydlər keçirir
Baş Dövlət Yol Polisi İdarəsi bu gündən etibarən respublikanın istirahət mərkəzlərinə və kurort zonalara gedən yollarda reydlərə başlayıb. İdarənin şöbə rəisi, polis polkovnik-leytenantı Kamran Əliyev Simsar.az-a açıqlamasında bu gündən etibarən başlayaraq, həftənin son 3 günündə reydlərin aparılacağını bildirib: “İlkin olaraq bu tip reydləri iyun ayının sonuna kimi nəzərdə tutmuşuq. Lakin yəqin ki, istirahət yerlərinin ətrafında aparılacaq reydlər yay-istirahət mövsümünün sonunadək davam edəcək”.
K.Əliyev onu da qeyd edib ki, reydlərdə əsasən sürücülərin avtomobili sərxoş halda idarə etməsi, sürət həddinin aşılması, ötmə-keçmə qaydalarının pozulması, həmçinin yüksək səsyayıcı vasitələrdən istifadə və digər hallara xüsusi diqqət yetiriləcək.