6 Aprel, 2020
Sipark İnşaat xüsusi karantin dövründə qaydalara riayət edərək fəaliyyətdədir - VİDEO

Bu gün bütün dünyanın mübarizə apardığı   COVİD - 19 - a qarşı ölkəmizdə tədbirlər planı davam etdirilir. Aprel ayının 5-dən Nazirlər Kabinetinin yanında yaradılan Operativ Qərərgah xüsusi karantin rejimi tətbiq edərək vətəndaşların evdən çıxmaması qaydalarını daha da sərtləşdirdi. Qərəgahın qərarlarına əsasən tikinti sektoru da qaydalara riayət edərək fəaliyyətini davam etdirə bilər. Sipark İnşaat şirkətinin İctimaiyyətlə Əlaqələr Şöbəsindən Simsar.az - a verilən məlumata görə şirkətin həm mərkəzi ofisində həm də tikinti ərazilərində iş gedir. "Şirkətimiz xüsusi karantin dövrünün qaydalarına tam şəkildə riayət edərək öz fəaliyyətini davam etdirir. Tikinti ərazilərində çalışanlarımızın xüsusi qaydalara əməl etməsinə ciddi nəzarət olunur. Xüsusi tibbi maska geyinən çalışanlar məsafə saxlama və tez- tez spirtli vasitələrlə əllərini təmizləmə qaydasına məsuliyyətlə əməl edirlər."

Sipark sözcüsü İradə Nurəddinqızının sözlərinə görə şirkətin mərkəzi ofisində də xüsusi karantin qaydalarına əməl olunur. "Mərkəzi ofisdə çalışanlarımız da iş zamanı xüsusi maska geyinirlər. Tez - tez spirtli vasitələrlə əllərini dezinfeksiya edirlər. Ofisimizə yaxınlaşan müştəri və sakinlərdən də qaydalara əməl etmək tələb olunur." Müsahibimiz qeyd etdi ki, karantin dövründə heç bir çalışan işdən azad edilməyib.

 

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!