23 avqust 2019-cu il tarixində Fövqəladə Hallar Nazirliyinin İdman Sağlamlıq Mərkəzinin bazasında yeni yaradılan Braziliya Ciu-Citsu və xidməti tətbiqi idman növləri Assosiasiyasının təsis konfransı keçirilib.
Fövqəladə Hallar Nazirliyindən verilən məlumata görə, Konfransda Azərbaycan-Braziliya Ciu-Citsu məktəbinin rəhbərləri, o cümlədən, Türkiyənin İzmir şəhərindən, Sumqayıt, Ələt, Suraxanı, Qusar, Gəncə və digər rayonlardan 22 nümayəndə iştirak edib.
Konfransda Assosiasiyanın prezidenti seçkisi keçirilib, iclasa sədrlik edən Avrasiya Kombat Ciu-Citsu Federasiyasının birinci vitse prezidenti Rəsul Məmmədov Azərbaycan Taekvondo Federasiyasının, Azərbaycan Karate Federasiyaları Assosiasiyasının birinci vitse prezidenti, FHN-nin İdman Sağlamlıq Mərkəzinin rəisi Füzuli Musayevi prezident vəzifəsinə təklif irəli sürüb və təklif edilən namizəd yekdilliklə adı çəkilən vəzifəyə seçilib.
Assosiasiyasının prezidenti vəzifəsinə seçilən Füzuli Musayev göstərilən etimada görə minnətdarlıq edərək, Assosiasiyanın fəaliyyətinin inkişafı, Braziliya Ciu-Citsunun və xidməti tətbiqi idman növlərinin inkişaf etdirilməsi üçün bacarıq, səy və xidmətlərini əsirgəməyəcəyini bildirib.
Füzuli Musayev çıxışında qeyd edib ki, qarşıda duran əsas məqsəd gənclərimizi bu idman növünə cəlb etməklə sağlam həyat tərzinin formalaşması, onların sağlam böyüməsi və inkişafı və beynəlxalq arenalarda ölkəmizi layiqincə təmsil etməkdir.
Yeni seçilmiş prezident Assosiasiyanın birinci vitse prezidenti vəzifəsinə Braziliya Ciu-Citsu klubu "İctimai birliyi"nin idarə heyyətinin sədri Taleh Həsənovu, Assosiasiyasının baş katibi vəzifəsinə uzun müddət Daxili İşlər Nazirliyinin əlbəyaxa döyüş mərkəzinin rəhbəri, xidməti tətbiqi idman növlərinin inkişafında səy və xidmətləri olmuş İdman Sağlamlıq Mərkəzinin Hüquqşünası Həmid Məmmədovu, Avrasiya Kombat Ciu-Citsu Federasiyasının birinci vitse prezidenti Rəsul Məmmədovu texniki direktor, Assosiasiyasının məşqçilər komitəsinə Azərbaycan Cüdosuna tövhələr vermiş Rəcəblilər sülaləsinin nümayəndəsi Zaur Rəcəblini sədr təyin edib