Onların apelyasiya şikayəti qəbul olunmadı
Bu gün Bakı Apelyasiya Məhkəməsində may ayının 6-da Təhsil Nazirliyinin önündə aksiya keçirməyə cəhd edərkən saxlanılaraq, haqlarında 2 aylıq həbs-qətimkan tədbiri seçilən dindarların apelyasiya şikayətinə baxılıb.
Bu barədə Lent.az-a vəkil Anar Qasımov məlumat verib. O bildirib ki, Nərimanov Rayon Məhkəməsinin Rövşən Məmmədov və Əlvan Hüseynov haqqında çıxardığı iki aylıq həbs-qətimkan tədbiri seçilməsi barədə qərardan verdikləri apelyasiya şikayəti təmin olunmayıb.
Qeyd edək ki, adı çəkilən şəxslər Cinayət Məcəlləsinin xuliqanlıq (221.2 və 221.3) maddələri ilə ittiham olunurlar.