"Problem futbolçularda yox, baş məşqçidədi"

"Qazaxlara qarşı 3 dəfə oynamışdıq. O komandalarıyla dünən gördüyümüz komandaları arasında yerlə-göy qədər fərq var. İndi onlar daha zəifdilər". Fanat.az korner.az saytına istinadən xəbər verir ki, bu sözləri "Qarabağ"ın oyunçusu Emin İmaməliyev deyib.
İmaməliyev biabırçılığın səbəbini futbolçu həmkarlarında yox, Berti Foqtsda görür: "Bizim millidə problem futbolçularda yox, baş məşqçidədi. Ona hər cür şərait yaradılıb. Biz Dövlət Yol Polisinin stadionunda məşq edirdik, amma qazaxlara uduzmurduq. Hətta, heç-heçə edəndə onlar sevinirdilər. Məğlubiyyətin yeganə günahkarı Foqtsdu. O, komandanı hazırlaya, oyuna kökləyə bilmir, bizim futbolçulara yuxarıdan-aşağı baxır. Yığıb iki həftə məşq etdirməklə deyil ki. Dünənki oyunda futbolçularımız ləng idilər. Bu da ondan irəli gəlir ki, Foqts iki həftə ərzində onları əməlli-başlı "yükləyib".