8 May, 2019
Bakı-Ankara qatarında biletin qiyməti açıqlandı

Bakı-Ankara qatarı avqust ayında səfərə başlayacaq. Simsar.az -ın məlumatına görə, bu barədə Türkiyə Dəmir Yolları məlumat yayıb. Məlumata görə, "Azərbaycan Dəmir Yolları" bu marşrut üzrə "Stadler" şirkətindən aldığı qatarları həftədə 1 dəfə reysə buraxacaq.

Bir müddət əvvəl Ankara-Bakı səfərinin müddətinin 38 saat olacağı elan edilmişdi. Bu günə qədər yük qatarlarının təcrübəsi və sərhəd keçidini nəzərə alaraq vaxtın 40 saatdan çox olacağı güman edilir. Kupelərin tipindən asılı olaraq qatar biletlərinin qiyməti 96 - 220 AZN (350-800 TL) arasında olacaq. 246 sərnişin eyni zamanda səyahət edə biləcəyi qatarın yemək vaqonu 28 nəfərlik tutuma malikdir.

Qeyd edək ki, Bakı-Tiblisi-Qars istiqamətində hərəkət edəcək sərnişin qatarları “Stadler Rail Group” şirkəti tərəfindən istehsal olunub. Mart ayında artıq 10 vaqondan ibarət sərnişin qatarı Bakıya çatıb. Vaqonlar “standart”, “komfort”, “biznes” və “restoran” olmaqla dörd kateqoriyada istehsal edilib. Kateqoriyasından asılı olaraq, vaqonlar 10, 20 və 32 nəfərlikdir.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!