Azərbaycan Daxili Qoşunlarının komandanı Türkiyəyə səfər edəcək

Azərbaycan Daxili İşlər Nazirliyi Daxili Qoşunlarının komandanı, general-leytenant Zakir Həsənov sabah Türkiyəyə səfər edəcək.

Komandan Türkiyədə Avrasiya Hərbi Statuslu Hüquq-Mühafizə Təşkilatları Qurumunun təsis toplantısında iştirak edəcək.

İyunun 10-dək keçiriləcək tədbirdə Avropa və Asiyanın bir çox ölkələrinin jandarma və sərhəd qurumlarının, həmçinin müvafiq təşkilatlarının rəhbərləri iştirak edəcəklər.

Təsis toplantısında qurumun yaradılması, fəaliyyət istiqamətləri və s. məsələlər müzakirə olunacaq.