Goranboyda ər və arvad qəzaya düşüb. Hadisə Bakı-Qazax avtomobil yolunun Goranboy rayonunun Goran qəsəbəsi ərazisindən keçən hissəsində baş verib. Belə ki, idarəetmədən çıxan “Nissan” markalı minik maşını yol kənarındakı dəmir maneələrə çırpılaraq qəza törədib. Hadisə nəticəsində sürücü-1953-cü il təvəllüdlü Cəbrayıl İsmayıloğlu İsmayılov və onun həyat yoldaşı 1957-ci il təvəllüdlü Mailə Həşimqızı İsmayılova müxtəlif bədən xəsarətləri alıb. Hər iki yaralı rayon xəstəxanasına yerləşdirilib. Goranboy rayon xəstəxanasından verilən məlumata görə hər iki yaralının vəziyyəti qənaətbəxşdir. Faktla bağlı araşdırma aparılır.(yeniavaz)