Daha çox şikayət davranışdakı kobudluqla bağlıdır

Bu il Azərbaycan Respublikasının Prezidenti yanında Dövlət Qulluğu Məsələləri üzrə Komissiyaya (DQMK) vətəndaşlardan daxil olan şikayətlərin əksəriyyəti yerli icra hakimiyyəti orqanları əməkdaşlarının davranışları ilə bağlıdır. Simsar.az-ın məlumatına görə, bu barədə cümə günü jurnalistlərə Komissiyanın hüquq sektorunun müdiri Vüqar Əsgərov bildirib.

Əsgərovun sözlərinə görə, bu müddətdə Komissiyaya vətəndaşlardan 26 şikayət daxil olub, onlardan 10-u təmin edilib, 6-si əsassız hesab olunub, 9-u isə araşdırılır.

Onun sözlərinə görə, müraciətlər arasında vətəndaşlara qeyri-etik münasibət, süründürməçilik, vətəndaşların qəbul edilməməsi hallarından şikayətlər var.

Əsgərov bildirib ki, şikayətlər təsdiq edildikdə həmin dövlət qulluqçusu barəsində intizam tənbehi tədbiri tətbiq olunur.