Azərbaycan və Rusiya xarici işlər nazirləri Elmar Məmmədyarovla Sergey Lavrov bu gün Moskvada görüş keçirəcəklər. Simsar.az  Rusiya KİV-nə istinadən xəbər verir ki, görüş zamanı nazirlər regional və beynəlxalq problemləri, həmçinin Dağlıq Qarabağ münaqişəsinin nizama salınması məsələsini müzakirə edəcəklər. Qeyd edək ki, Məmmədyarov həmkarı Lavrovun dəvəti ilə artıq Rusiyada səfərdədir. Səfər iki ölkə arasında aprelin 4-də tamam olacaq diplomatik əlaqələrin 25 illiyinə təsadüf edir.