Lənkəran rayonunda 32 yaşlı qadın intihar edib. Simsar.az “Report”a istinadən xəbər verir ki, hadisə rayonun Osakücə kəndində baş verib. İki uşaq anası olan 1985-ci il təvəllüdlü Həbibova Xalidə Babarza qızı yaşadığı evdə özünü asaraq intihar edib. Hadisədən həyat yoldaşı xəbərdar olub və polis şöbəsinə məlumat verib. Hadisə yerinin müayinəsi zamanı intihar faktı təsdiqlənib.  Faktla bağlı Lənkəran Rayon Prokurorluğunda araşdırma aparılır.