"İnter"ə qalib gələn lənkəranlıların hər futbolçusu 20-25 min manat alacaq

Bu gün saat 20:00-da NBC Bank Azərbaycan Kubokunun final matçında “Xəzər Lənkəran”la 
“İnter” qarşılaşacaq.
“Xəzər Lənkəran” futbol klubunun sahibi və fəxri prezidenti Mübariz Mənsimov komandasına “İnter” üzərində qələbə qarşılığında fantastik məbləğdə mükafat vəd edib. Məlumata görə, Mənsimov “ağ-yaşıllar”ın qələbəsi üçün 500 000 dollar ayırıb.

Bu isə o deməkdir ki, “Xəzər Lənkəran” futbolçularının hərəsi bir oyundan 20 – 25 min dollar qazanmaq imkanına malikdirlər.

Mərkəzi ofisi Türkiyədə olan “Palmali” Şirkətlər Qrupunun sahibinin Bakıdakı Tofiq Bəhramov adına Respublika stadionunda keçiriləcək oyunda iştirak edib-etməyəcəyinə isə hələ aydınlıq gəlməyib.

Qeyd edək ki, “Xəzər Lənkəran” qələbə qazansa, tarixində üçüncü dəfə Azərbaycan Kubokuna sahib çıxacaq. “İnter” isə tarixində ilk dəfə kuboku qazanmaq və bu yolla Avropa Liqasına vəsiqə üçün mübarizə aparacaq.