Türkiyənin məşhur müğənnisi, rejissor Özcan Deniz və aktrisa Nurgül Yeşilçay Bakıya gələcək. Simsar.azPrimeTime.Az-a istinadən xəbər verir ki, əldə məşhurların Bakıya gəlməsinin səbəbi, noyabrın 26-sı Nizami Kino Mərkəzində baş rollarını canlandırdıqları "İkinci Şans" filminin qala gecəsində iştirak etməkdir. Paytaxtımızda qonaq olacaq məşhurlar istirahətləri üçün "Hilton Baku Hotel"i seçiblər. Filmin Türkiyədəki premyerası isə noyabrın 18-i baş tutacaq. Qeyd edək ki, filmin ssenarisini yazan, rejissorluğunu edən, həmçinin baş rollardan birini canlandıran Özcan Denizin tərəf müqabili məşhur aktrisa Nurgül Yeşilçaydır. Filmdə riyaziyyat müəlliməsi olan Yasemin ilə restoran sahibi, karizmalı Camalın yolları kəsişir. Yasemin, keçmişdə yaşadığı uğursuz evliliyin yaralarını sağaltmağa çalışan və atdığı hər addıma diqqət edən anadır. Camal isə sosial, keçmişindən qurtulmaq istəyən qəmsiz bir adamdır. Bu, bir - birinə zidd ikilinin tanışması və ilk günlərin münaqişəsi onları zamanla daha da yaxınlaşdırır. Bir müddət sonra isə bu tanışlıq hüzünlü sevgiyə çevrilir. Keçmişlərinin dərinliklərinə endikdə isə, hər iki qəhrəmanın ikinci şansa ehtiyacı olduğu ortaya çıxır