İraq Ordusunun antiterror dəstələri Mosul yaxınlığında Bazvaya yaşayış məntəqəsini və bir neçə kəndi İŞİD terror təşkilatının döyüşçülərindən azad edib. Simsar.az RİA Novosti-yə istinadən məlumat verir ki,Mosulun azad edilməsi əməliyyatlarına komandanlıq edən general-leytnant Əbdüləmir Yaralla bildirib ki, azad edilmiş ərazilərdə artıq dövlət bayrağı ucaldılıb.

Bundan başqa, İraq Federal Polisi qüvvələri tərəfindən Mosuldan cənubda Suruc kəndinin azad edildiyi də bildirilir. Həmçinin Mosulun şərqində Tobruk, Tahraua kəndləri də İŞİD döyüşçülərindən təmizlənib.