Azərbaycan Milli Məclisin Səhiyyə Komitəsinin iclasında “Psixoloji yardım haqqında” qanun layihəsi müzakirə çıxarılıb.

Simsar.az -ın məlumatına görə, bu qanun layihəsində psixoloji yardım alan şəxslərin və psixoloqların hüquqları və vəzifələri müəyyən edilir, psixoloji yardım göstərilməsi sahəsində münasibətlər tənzimlənir.

Qanun layihəsinə əsasən, Azərbaycanda daimi yaşayan vətəndaşlığı olmayan şəxslər psixoloji yardım üzrə nəzərdə tutulmuş bütün hüquqlardan istifadə edirlər. Psixoloji yardımın növləri psixoloji məsləhət, psixoloji korreksiya və psixoloji proflaktikadır. Dövlət vətəndaşların vaxtında, keyfiyyətli psixoloji yardım almaq hüququna təminat verir. Psixoloji yardım alan şəxslərin arzusu ilə ona xidmət anonim göstərilə bilər. Mülkiyyət növündən asılı olmayaraq istənilən səhiyyə müəssisələrində psixoloji yardımın göstərilməsi ilə təhsili klinik psixologiya üzrə magistr dərəcəsindən aşağı olmayan mütəxəssislər məşğul ola bilərlər.