Azərbaycan Memarlıq və İnşaat Universitetinin (AzMİU) rektoru, professor Gülçöhrə Məmmədova mexanika və informasiya texnologiyaları fakültəsinə daxil olmuş birinci kurs tələbələriylə görüşüb. AzMİU-nun mətbuat xidmətindən Simsar.az -a verilən məlumata görə, birinci kursa daxil olan tələbələrlə görüşlərin ənənə halını aldığını deyən rektor belə tədbirlərin keçirilməsinin əhəmiyyətindən danışıb. Rektor bildirib ki, bu görüşün keçirilməsində məqsəd universitetin daxili nizam-intizam qaydaları, tələbələrin vəzifələri, müəyyən tələblər barədə birinci kurs tələbələrini məlumatlandırmaqdan ibarətdir.

Daha sonra G.Məmmədova universitet, tədris prosesi, professor-müəllim heyəti barədə tələbələrə məlumat verib, onları seçdikləri ali təhsil müəssisəsi ilə tanış edib. Rektor çıxışında AzMİU-nun beynəlxalq əlaqələrinə də toxunub, Erasmus, Mövlanə mübadilə proqramları, ikili diplomla bağlı tələbələri məlumatlandırıb. Eyni zamanda o, tələbələri universitetin ictimai həyatında fəal iştirak etməyə çağırıb, ali məktəbdə fəaliyyət göstərən tələbə həmkarlar, tələbə gənclər təşkilatlarıyla sıx və işgüzar əlaqələr qurmağı tövsiyə edib.

Tələbə adını qazanan tələbələri təbrik edən AzMİU-nun tədris işləri üzrə prorektoru Akif Qasımov birinci kursa daxil olan gənclərə nizam-intizamlı olmağa, dərslərə ciddi yanaşmağa, müəllimlərlə səmimi ünsiyyət qurmağa çağırıb.

Tədbirin sonunda rektor tələbələri maraqlandıran suallara cavab v