Ukraynada fahişəlik leqallaşdırıla bilər. Simsar.az-ın məlumatına görə, Ali Radanın deputatı Mixail Qavrilyuk bu təkliflə çıxış edib.

Deputat bununla ölkə əhalisini dəri-zöhrəvi xəstəliklərdən qorunmağın mümkünlüyünü bildirib.

"Mən hesab edirəm ki, xaricdə olduğu kimi, bizim ölkədə də bunu etməliyik. O ölkələrdə xəstəliklərin qarşısının alınması üçün yüngül həyat tərzi keçirən qadınlar fahişəxanalarda tibbi yoxlamalardan keçirlər. Əgər düzgün nöqteyi nəzərdən götürsək — bütün bunların leqallaşdırlması lazımdır" - deyə Qavrilyuk öz mövqeyini əsaslandırıb.



O, qeyd edib ki, fahişəlik artıq dünyanın bir çox ölkələrdə qanuniləşdirilib, seks industriyasından əldə edilən pullar isə Ukrayna büdcəsini doldura bilər. Xalq deputatı belə bir qanun layihəsini dəstəkləməyə hazır olduğunu bildirib.

Son illərdə bir neçə Qərbi Avropa dövlətlərində fahişəlik leqallaşdırılıb. Hətta Niderlandda "gecə kəpənəklərinin" öz həmkarlar ittifaqı var.