“Bəzi daxili qüvvələr və onların xarici havadarları Azərbaycanın tərəqqəsini həzm edə bilmirlər”. Simsar.az xəbər verir ki, bunu Milli Məclisin bu gün keçirilən iclasında Yeni Azərbaycan Partiyası (YAP) icra katibinin müavini, deputat Siyavuş Novruzov deyib. O, Avropa Parlamentinin prezidenti Martin Şultsu da tənqid edib.

Siyavuş Novruzov Martin Şultsun Ermənistana dəstək verən bəyanatlarını tənqid edib. “Martin Şults öz maskasını cırdı. O, Riqa sammitində Şimali Koreya ilə eyni səviyyədə olan Ermənistanda demokratiyanın olduğunu bəyan etdi. Maryin Şults Ermənistandanda demokratiyanın çiçək açmasından dəm vurur. Halbuki, Ermənistanda parlamentdə güllələnməs hadisəsi baş vermişdi. Bundan başqa 2013-cü il prezident seçkisində namizədlərdən biri güllələndi”. YAP funksioneri qeyd edib ki, Milli Şura Martin Şultz kimilərinin istəyi ilə Azərbaycanda böyük tədbir ərəfəsində aksiya keçirir. “Amma onlar heç nəyə nail ola bilməcəklər. Azərbaycan bu idman tədbirini keçirəcək. Və onlar da görəcəklər ki, demokratiya olduğu dediyi ölkələrlə müqayisədə Azərbaycanda nə qədər inkişaf var”.

Hüseyn İbadlı