“Eurovision” mahnı yarışmasının isveçli qalibi Mans Zelmerlev istagramda paylaşdığı foto alban xalqının sərt reaksiyasına səbəb olub.

Simsar.az Anadolu Agentliyinə istinadən xəbər verir ki, Zelmerlev divanda uzanıb, ayaqlarının altında Albaniya bayrağın qoyub. Bu şəkil  böyük qalmaqala səbəb olub. Albaniyanın Panorama qəzeti “skandal” başlığı ilə çap etdiyi xəbərdə Mans Zelmerlevi sərt tənqid edib. Hadisəyə İsveçdə yaşayan alban vətəndaşları da reaksiya göstərib.

İsveçdə nəşr olunan “Expressen” qəzetinə danışan İsveç Albaniya Federasiya başçısı Əli Shipshani  ifaçının hörmətsiz bir addım atdığını, onu üzr istəməyə dəvət etdiyini açıqlayıb.

Paylaşılan fotonun şərh bölməsinə alban xalqı ifaçıya ölüm təhditləri yazmağa başlayıb.

Reaksiyaların artması səbəbindən  Zelmerlev instagramdan həmin fotonu silib.