Ukrayna baş naziri Arseni Yaçenyuk Avropa və amerikalıları "Qazprom”la mübarizəyə çağırıb.

Simsar.az “Regnium”-a istinadən xəbər verir ki, hökumət baçısı bu barədə Ukraynanın Antiinhisar Komitəsinin yeni rəhbərinin təqdimatı zamanı deyib.

A.Yeçenyuk bildirib ki, Ukrayna qaz bazarında inhisarlıq edən "Qazprom" u cəzalandırmaq niyyətindədir.

O həmçinin Antiinhisar Komitəsinin yeni rəhbərindən Rusiya "Qazprom”-una qarşı aparılan antiinhisar araşdırmasının sona çatdırılmasını istəyib.

“Qanuna uyğun olaraq, Nazirlər Kabineti Rusiyanın qaz monopolisti "Qazprom" şirkətinə qarşı antiinhisar araşdırmanın başlanması barədə Antiinhisar Komitəsi ərizə ilə müraciət edib.


“Mən bu araşdırmanın başlanması barədə rəsmi məlumat görmüşəm. Xatırladım ki, Avropa Komissiyasında da Rusiyanın "Qazprom" şirkətinə qarşı belə bir araşdırma aparılır. "Qazprom" şirkəti Ukrayna bazarında öz inhisarçı mövqeyindən sui-istifadə edir. Antiinhisar Komitəsinin rəhbərindən xahiş edirəm ki, Rusiya monopolistini məsuliyyətə cəlb edilməsi üçün maksimum səy göstərsin. Eyni zamanda Avropa tərəfdaşlarımızla müvafiq araşdırmaların aparılmasını istəyirəm", deyə - Yeçenyuk bildirib.

Hüseyn İbadlı