23 May, 2015
"Formula-1"-in keçirilcəyi vaxt məlum oldu

2016-cı ildə Azərbaycanda keçirilməsi planlaşdırılan Formula-1 yarışlarına hazırlıqlar davam edir.

Yaxın günlərdə təşkilatçılar trasın Hermann Tilkeyə məxsus son dizaynını FIA-ya təqdim edəcəklər.

Bakıda keçiriləcək Avropa Qran Prisinin CEO-su Arif Rəhimovun sözlərinə görə, tras əsasən tarixi yerləri əhatə edəcək:

"Bütün binalar, əsas tribuna, bir sözlə, hər şey müvəqqəti olaraq istifadə olunacaq. Bunu bacaracağımızdan əminik. Planımız artıq bəllidi və bunu lazım olan vaxta kimi həyata keçirəcəyik.

Trasın bir hissəsi Hökümət evinin önündən keçəcək. Daha sonra növbə köhnə qala divarları və tarixi binalara çatacaq. FIA-nın standartlarına əməl etmək üçün bəzi döngələrdə dəyişiklik edəcəyik. Demək olar ki, dizayn hazırdı. Hər şeyi bir daha gözdən keçirib, FIA-ya göndərəcəyik".

Mətbuata sızan təqvimə əsasən, Avropa Qran Prisi 2016-cı ilin 17 iyulunda keçiriləcək.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!