ANS-in efirində yayımlanan ən reytinqli "Maşın" realiti-şousunda iştirakçıların bugünkü hədəfi məlum olub.

ANS PRESS-in məlumatına görə, iştirakçılar qutuya ən çox müğənni Xatirə İslamın şəklini atıblar.

Kürsüyə yaxınlaşan Xatirə İslam oyundan kimi kənarlaşdıracağını da açıqlayıb.

"Belə məsləhət oldu ki, bu gün bura mən çıxdım. Maraqlı açıqlamalarım olacaq. Mən bütün sevənlərimdən dəstək gözləyirəm. Mənə səs verin. Əgər oyunda qalsam, Mehriban Xanlarovanı oyundan kənarlaşdıracam", - deyə Xatirə İslam bildirib.

Əməkdar artist Mehriban Xanlarova isə Xatirə İslaam haqqında sərt açıqlamalar verib.

"Buradakı qruplaşma məni hədəf seçib. Məni oyundan kənarlaşdırıb maşını Xatirəyə vermək istəyirlər. Burdakı kişi iştirakçılar ona jest edəcəklər", - deyə Xanlarova bu açıqlamanı verərək bir növ Xatirə İslamı ifşa edib.

Hazırda tamaşaçıların 29,31%-i Xatirə İslamın oyunda qalmasını istəyir.