Səsi, geyimi və fərqli tərzi ilə Bolqarıstana sığmayan və qısa zamanda dünyaya səs salan məhşur ulduz Azis Bakıya gəlir. Simsar.az xəbər verir ki, milyonlarla heyranı olan popstarın konserti iyulun 25-nə “Nar şərab”da nəzərdə tutulub. Azis Milana səhnəni estrada sənətində öz dəsti xətti ilə seçilən məhşur müğənni Ayan Babakişiyeva ilə bölüşəcək. Konsertin təşkilatçısı Samir Xəttab Bolqar popçu ilə Ayan xanımın səhnə performansının uğurlu alınacağı qənaətindədir. Təşkilatçının təklifindən məmnun qalan Ayanın  çıxışı dünya ulduzundan geri qalmayacaq. Hazırlıqları başlayan konsertdə xanım sənətçimizin yeni mahnıları qədər, yenilənən stili də sözün əsl mənasında tamaşaçısını heyrətə gətirəcəyini deyib: “İmici ilə fərqlilik yaradan Azis bu konsertdə təəccübləndirə biləcək yeganə ifaçı olmayacaq. Möhtəşəm şou, qeyri-adi geyimlərim və səhnə görüntüləri hazırlanır. Stilim artıq müəyyən olunub. Amma bunu indi açıqlamayıb, konsert günü üzərimə göstərəcəm. Azis səsini dinləyib, bəyəndiyim ifaçıdı. Onunla səhnəni məmnuniyyətlə paylaşıb, əsl şou yaradacağımıza əminəm”.

Ümidə