“Ukraynada hərbi əməliyyatlar davam edəcək”

Simsar.az “REGNUM”-a istinadən xəbər verir ki, bunu Rusiya Liberal Demokrat Partiyasının (LDP) lideri Vladimir Jirinovski deyib.

Partiya lideri Ukrayna böhranın həlli ilə əlaqədar yaradılan əlaqə qrupunun iclasının səmərəliliyinə şübhə edir. Jirinovski hesab edir ki, əlaqə qrupunun Minskdə baş tutan görüşündə əhalinin həlak olmasının qarşısını almağa cəhd ediləcək: "Amma görünür ümumilikdə Ukraynada hərbi toqquşmalar qaçılmaz olacaq və getdikcə kəskinləşəcək. Təəssüf ki, böhran da qaçılmaz olacaq".

“Vəziyyət gərginləşir, “LNR” və “DNR”-lə daimi atışmalar gedir. Xüsusilə, artilleriyadan və digər növ silahlardan istifadə edilir. Nəticədə dinc əhali məhv edilir: “Böyük Vətən Müharibəsi qurtardıqdan 70 il sonra qələbəni bayram edirik. Kiyev təyyarəçiləri isə Donbassı bombalayır”, - deyə partiya sədri əlavə edib.

Hüseyn İbadlı