Şahmar Mövsümov: " Suveren Fondların Beynəlxalq Forumuna qatılır"

2011-ci il mayın 11-13-də Çin Xalq Respublikasının Pekin şəhərində Suveren Fondların Beynəlxalq Forumunun üçüncü iclası keçirilir. Azərbaycan Respublikası Dövlət Neft Fondunun (ARDNF) icraçı direktoru Şahmar Mövsümovun başçılıq etdiyi nümayəndə heyəti iclasda iştirak edir.

ARDNF-nin ictimaiyyətlə əlaqələr şöbəsindən Simsar.az-a bildirilib ki, Suveren Fondların Beynəlxalq Forumu Suveren Fondların Beynəlxalq İşçi Qrupunun 2009-cu il aprelin 5-6-da Əl-Küveyt şəhərində keçirilmiş iclasında yaradılıb və onun ilk rəsmi iclası 2009-ci il 8-9 oktyabr tarixlərində Bakı şəhərində keçirilib.

SFBF könüllü qrup olub, əsas məqsədi Suveren Fondların ümumi maraqlarına dair məsələlər ətrafında fikir mübadiləsi aparmaq və Santyaqo prinsipləri və Suveren Fondların fəaliyyətlərinin anlaşılmasını asanlaşdırmaqdır.