17 Aprel, 2015
Arınç və Gül yeni partiya qururlar?

Baş nazirin müavini Bülənd Arınç, sabiq prezident Abdulla Güllə yeni partiya yaradacaqları iddiasına aydınlıq gətirib.

Simsar.az “İxlasa”-laya istinadən xəbər verir ki, Arınç, onların İdris Nəim Şahin, Əminə Ülkər Tarhan və özünə partiya qurub, sonra o partiyadan ayrılan biriləri kimi olmadıqlarını deyib.

Mühüm bəyanatlar verən Arınç, Abdulla Güllə yeni partiya yaradacaqları iddiasına toxunub: “İnternetdə gəzsəniz, bu cəfəngiyyatlara çox yerdə rast gələrsiniz. Amma real həyatda bunların bizim üçün istifadə edilməsi mümkün deyil. Bu baxımdan deyirəm ki, biz müəyyən bir iş üçün siyasət aparmışıq. Bütün günü partiya yaradanlardan deyilik. Mənim siyasi xəttim Milli Səlamət, Rifah və Fəzilət kimi davam etdi. Fəzilət Partiyası bağlandıqda biz AK Partiya yaratmışıq. Fəzilət Partiyasının bir hissəsi Səadət Partiyasına getdi. Əgər Fəzilət Partiyası bağlanmasaydı mən AK Partiyada gözləyərdim, orası ayrı məsələdir. Biz AK Partiyanı yaratdıq bu partiya bizim hər şeyimizdir. İnamımız və gələcəyimiz oradadır”.

Hüseyn İbadlı



Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!