Məhkəmələrdə uduzan Əvəz Zeynallı çətin durumda

“Xural” qəzetinin baş redaktoru anlaşılmaz duruma düşüb. Dünən baş redaktora Ədliyyə Nazirliyinin Nərimanov rayon məhkəmə icraçılarından xəbərdarlıq göndərilib. Ə.Zeynallı Simsar.az-a deyib ki, məhkəmə Prezident Admnstrasiyasının rəhbəri Ramiz Mehdiyevin iddası əsasında onu 10 min manat cərimələyi üçün belə vəziyyət yaranıb:  

“Hazırda yaşadığım ev qayınatamın adınadır. Cəriməni ödəyə bilmədiyim üçün evə həbs qoyula bilər. Biz pulu ödəməkdən imtina etmirik. Sadəcə, cərimənin hissə-hissə ödənilməsini istəyirik”

Qəzetə Prezident yanında KİV-in İnkişafına Dəstək Fondunun icraçı direktoru Vüqar Səfərli də məhkəmədə iddia qaldırıb. O qəzetdə şərəf və ləyaqətinin təhqir olunduğunu iddia edib və buna görə, 10 min manat təzminat tələb edib, eləcə də qəzetin ondan rəsmən üzr istəməsini istəyib. Həmçinin “Xural” qəzetini “Yeni Müsavat”-ın baş redaktoru Rauf Arifoğlu da məhkəməyə verib. Baş redaktor “Xural” qəzetindən 25 min manat təzminat tələb etməklə yanaşı baş redaktor Əvəz Zeynallının həbsini istəyib. 2007-2008-ci ildə “Azərbaycan” Nəşriyyatının direktoru Ağabəy Əsgərovla məhkəmə çəkişməsi olub və onu məhkəmədə cərimələyiblər. Həmçinin müğənni Nüşabə Ələsgərliyə də ödənilməmiş cərimələr var.

Anar