Bu gün Məşhur rus yazıçısı Maksim Qorkinin doğum günüdür. O, 1868-ci ildə martın 28-də anadan olub.

Əsl adı Aleksey Maksimoviç Peşkovdur. Qorki nəqliyyatçı olan atasını 5 yaşında ikən itirir və anası yenidən ərə getdiyindən anadan olduğu Novqoroda qayıdır. 11 yaşında tamamilə yetim qalır, nənəsi və babası tərəfindən Həştərxanda böyüdülür. Nağılları ilə böyüdüyü nənəsinin onun formalaşmasında böyük təsiri olur. Qorki yalnız bir neçə ay məktəbə gedə bilir. Maksim Qorki 8 yaşında işləməyə başlayır, bunun sayəsində Rusiyanın fəhlə sinifinin həyatı ilə yaxından tanış olur. Bir gəmidə qabyuyan işləyərkən kitab oxumağa marağı yaranır. İlk gənclik illərini Kazanda keçirən Qorki, dekabr 1887-ci ildə hətta intihara cəhd edir. Sonrakı 5 il boyunca müxtəlif işlərdə çalışaraq, daha sonra yazılarında istifadə edəcəyi bir çox təəssüratı əldə etdiyi böyük Rusiya səyahətinə çıxır.

Maksim Qorkinin əsərləri dünya səviyyəsində tanınır, bir neçə dillərə tərcümə olunub. Ədib 1936-cı ildə 18 iyunda 68 yaşında vəfat edib.

Simsar.az