Rusiyanın Ermənistandakı 102-ci hərbi bazasının Gümrüdə hərbi təlimlərinə start verilib.

ANS-in məlumatına görə, yüzlərlə hərbi texnikanın hərəkəti üçün Gümrüyə gedən yollar bağlanıb.

"Təlimlər bir ay davam edəcək. Bu müddət ərzində hərbi karvan Gümrüdə bütün qəsəbələrə, küçələrə girəcək, hədəf kimi göstərilmiş məntəqələrə çatacaqlar. Təlimlər ən yüksək səviyyədə təşkil edilib. "Navodçik-2" pilotsuz aparatları ilə təlimlərin necə keçirildiyi müşahidə edilir", - deyə Rusiya Cənub hərbi dairəsinin açıqlamasında bildirilir.

Təlimlər zamanı hərbçilər esktremal vəziyyətlərdə ağır texnika ilə müxtəlif manevrlər də edəcəklər. Bundan başqa təlimlər dəniz səviyyəsindən 1,6-dan 2,5 kilometr hündürlükdə keçirilir.