3 May, 2011
KİV rəhbərləri «Fredoom House»-un hesabatını bisləyir

Vüqar Səfərli: “”Fredoom House” təşkilatı həmişə Azərbaycan haqqında neqativ məlumatlar yayır”

Əflatun Amaşov: "Jurnalistlərin peşə fəaliyyətinə yaradılan şərait heç də Pakistan, Əfqanıstan, Türkiyədən pis deyil" 

««Fredoom House» təşkilatı həmişə Azərbaycan haqqında neqativ məlumatlar yayır. Mətbuat azadlığına görə, son reytinq cədvəlində Azərbaycanın son sıralarda yerləşdirilməsi qərəzlidir». APA-nın məlumatına görə, bu barədə Azərbaycan Prezidenti yanında KİV-in İnkişafına Dövlət Dəstəyi Fondunun icraçı direktoru Vüqar Səfərli bildirib.
Fond rəhbəri deyib ki, bu gün Azərbaycanda mətbuat inkişaf edir, dövlət tərəfindən bununla bağlı KİV-ə dəstək də göstərilir: « KİV-in inkişafı üçün 2009-cu ildə büdcədən 1 milyon 300 min manat, 2010-cu ildə 2 milyon manat, üstəgəl 1 milyon manat ayrılıb. Bu il 2 milyon 400 min manat vəsait nəzərdə tutulub».

Mətbuat Şurasının sədri Əflatun Amaşov isə jurnalistlərə açıqlamasında qeyd edib ki, Azərbaycanın mətbuat azadlığına görə reytinq cədvəlində son sıralarda yer alması şübhəlidir. Şura sədrinin sözlərinə görə, Azərbaycanda mətbuatın inkişafı ilə bağlı həyata keçirilən tədbirlər, jurnalistlərin peşə fəaliyyətinə yaradılan şərait heç də Pakistan, Əfqanıstan, yaxud 70-dək jurnalistin həbsdə olduğu Türkiyədən pis deyil.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!