27 Aprel, 2011
Mərkəzi yollar bağlanacaq

Aprelin 28-29-da Bakının bir sıra mərkəzi yolları bağlanacaq

Bakı şəhər Yol Polisi İdarəsinin bölmə rəisi, polis polkovnik leytenantı Vaqif Əsədovun Lent.az-a verdiyi məlumata görə, Ukrayna prezidenti Viktor Yanukoviçin Azərbaycana səfərdə ilə əlaqədar Bakıda bəzi küçə və prospektlərdə hərəkətin təhlükəsizliyinin təmin edilməsi ilə əlaqədar məhdudiyyətlər tətbiq olunacaq:


“Əhalinin, avtomobil sahiblərinin nəzərinə çatdırırıq ki, aşağıda qeyd olunan istiqamətlərdən mümkün qədər az istifadə etsin: Aeroport şossesindən Heydər Əliyev prospektinə, Yusif Səfərov, Üzeyir Hacıbəyov küçələri, Azadlıq prospekti, Zərifə Əliyeva, Rəsul Rza küçələri, Neftçilər prospekti, Azneft meydanı, Niyazi, İstiqlaliyyət küçələri, 10-cu dairə, Lermantov, Mehdi Hüseyn, Teymur Elçin küçələri, Parlament prospekti, Şəhidlər xiyabanı və Fəxri xiyaban istiqamətində və geriyə olmaqla nisbətən az istifadə etsinlər. Həmçinin həmin istiqamətdə hərəkətin fasilələrlə məhdudiyyət tətbiq ediləcəyini nəzərə almaqla nativ yollarla getsin. Nəqliyyat vasitələrinin park etməkdə məhdudiyyətlər qoyulacaq ki, şəxsi nəqliyyat vasitələrindən mümkün qədər az istifadə etsin”.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!