Onlar Neft Akademiyası qarşısında susacaqlarına söz verdilər

“Nida” Vətəndaş Hərəkatı, “Azad Gənclik” Təşkilatı və “10 dekabr” Gənclər Təşkilatının 30 aprel ADNA faciəsini anım tədbiri ilə bağlı bəyanat yayıb. Simsar.az -ın verdiyi məlumata görə bəyanatda deyilir : “Biz - “Nida” Vətəndaş Hərəkatı, “Azad Gənclik” Təşkilatı və “10 dekabr” Gənclər Təşkilatı 30 aprel anım tədbirinin təşkilatçıları olaraq bəyan edirik ki, 30 apreldə 28 may meydanında yalnız hüznümüzü birgə qeyd etmək məqsədilə yığışaraq terror qurbanı olmuş həmvətənlərimizi anacağıq. Biz tədbir vaxtı hər hansı şüar səsləndirməyəcək, aksiya keçirməyəcək, yalnız kədərimizi bölüşmək məqsədini güdəcəyik. Təşkil etdiyimiz anımı şüarlar və ya başqa vasitələrlə hər hansı aksiyaya çevirmək cəhdi tərəfimizdən təxribat kimi dəyərləndiriləcək və bu hallara görə biz məsuliyyət daşımırıq. Məqsədimiz həmyaşıdlarımızın faciəsinə vətəndaşlarımızın biganə olmadığını gənclərimizin həmrəyliyi ilə göstərmək, terrora qarşı birgə olduğumuzu nümayiş etdirmək və hər birimizin terror qurbanı ola biləcəyimizi cəmiyyətə çatdırmaqdır”.