30 Dekabr, 2014
Hitlerin tuneli tapıldı – FAKT + FOTOLAR

Avstriyada Hitlerə aid olduğu iddia edilən gizli tunel tapılıb.

Simsar.az xəbər verir ki, tunel araşdırmaçı Andreas Sluzer tərəfindən aşkar edilib.

Sluzer 1885-1958-ci illərdə yaşayan bioloq Viktor Schaubergerin həyatından bəhs edən film üzərində işləyirmiş. İllər sürən axtarışdan sonra araşdırmaçı Viktor və Hitler arasında bir bağlantının olduğunu üzə çıxardıb.

Sluzer açıqlamasında bildirib ki, Schauberger 1941-ci ildə Avstriyanın St.Georgen bölgəsindəki Hitlərə aid gizli tunellərdə “atom bombası” hazırlanması layihələrində iştirak edib. Araşdırmaçı iddialarına Viktor Schaubergerin o dövrdə dostlarına yazdığı məktubları sübut kimi göstərərək qeyd edib ki, o bu məktublarda dostlarına Nasistlərin gizli tunelləri barədə məlumat verib.

Araşdırmaçı İkinci Dünya Müharibəsindən sonra bölgəni ələ keçirən rusların tunellərdəki araşdırmaları, avadanlıq və vəsaitləri götürdüklərini, tunellərin də bir çoxunu partlatdıqlarını deyib.

Vüsal Qarayev

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!