Kataloqların elektron variantı artıq satışdadır 

Bakı şəhəri haqqında “Hedonist’s Guide to Baku” adlı bələdçi-kataloqlarının İPhone telefonları, İPad planşetləri üçün nəzərdə tutulan və İTunes-dan yüklənə bilən elektron variantı hazırlanıb. Mədəniyyət və Turizm Nazirliyinin məlumatına görə, elektron kataloqlar 9.99 Funt Sterlinqə satılır.  

Bu barədə məlumat “Hedonist’s Guide”ın Facebook, Twitter və Foursquare sosial şəbəkə səhifələrində yerləşdirilib.

Bələdçi kataloq nazirliyin layihəsinə əsasən, İngiltərə və Şimali İrlandiyanın “Filmer Limited” şirkəti tərəfindən hazırlanıb. Çap variantı 2010-cu il sentyabrın 29-da Ümumdünya Turizm Günü ilə əlaqədar düzənlənən tədbirdə təqdim olunub.

Nazirliyin mətbuat xidmətindən simsar.az-a bildirilib ki, layihə çərçivəsində Avropanın aparıcı nəşriyyat müəssisələri ilə əməkdaşlıq müqavilələri də bağlanıb. Məqsəd Azərbaycan mədəniyyətini, tarixini beynəlxalq aləmdə tanıtmaqdır.

Arifə