Simsar.az xəbər verir ki, tanınmış estrada ulduzu Ayan Babakişiyevanın repertuarına rəng qatan söz və musiqisi Tural Bayraməliyevə məxsus “Səndən sonra” kompazisiyası ötən gün ekran həllini tapıb.

Ceyhun İbrahimoğlu və Vüsal Həsənin rejissorluğu ilə  klip şəhərdə və şəhərdən kənarda, eyni zamanda dəniz qırağında çəkilib.

Böyük heyətin cəm olduğu bu layihə maraqlı olacağından xəbər verir.

Qeyd edək ki, Ayan xanımın klipdə stilisti Səbinə İmanova, geyimləri üzərinə modelyer Şəlalə Maqsudova çalışıb.

Ayan əməkdaşıma verdiyi eksklüziv açıqlamasında bu klipin ona çox uğur gətirəcəyindən əminliklə danışdı :

Peşəkar komandamla birlikdə məni sevən pərəstişkarlarıma yeniliklər təqdim etdikcə stimul alıram. Yaxşı ki, həyatımda sadiq sevənlərim var. Mənə dəyər verən insanlara təşəkkür edirəm. Sizin Ayan həmişə elə sizin üçün oxuyacaq".

“Səndən sonra”nın ekran versiyası 2015-ci ilin ilk həftələrində təqdim ediləcək.

Şahin Cavadsoy

Simsar.Az