19 Dekabr, 2014
“Gəmiləri Rusiyaya verə bilmərik” - OLLAND

Fransa Prezidenti Fransua Olland “Mistral” gəmisinin Rusiyaya göndərilməyəcəyini açıqlayıb.

Simsar.az xəbər verir ki, Brüsseldə AB sammiti sonrası açıqlama verən Fransa prezidenti Rusiyanın Minsk razılaşmasına hələ də əməl etmədiyini bildirib:

“Mən bunu bir neçə dəfə demişəm. Hazırda gəminin təslim edilməsi üçün  Rusiya tərəfindən heç bir müsbət addım atılmayıb. Gəmini verməyimiz Rusiyanın Minsk razılaşmasına əməl etməsindən asılıdır”.

Qeyd edək ki, iki ölkə arasında bağlanmış müqaviləyə əsasən Fransa Rusiyaya satdığı “Mistral” helikopterdaşıyan gəmisini təhvil verməli idi. Lakin Krımın işğalı və Ukraynanın şərqində baş verən hərbi konflikt səbəbindən Fransa Prezidenti Fransua Olland “Mistral”ın çatdırılmasının təxirə salınmasını istəmişdi.

 

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!